BIZIKI

Hiri Asko Kulturgintza Elkartea
Header image
Watch video
Finished 04 / 12 / 2016
Funded!
Received
$ 3,825
Minimum
$ 2,328
Optimum
$ 3,815
54 Co-financiers
Matcher
Diputación Foral de Gipuzkoa multiplies your contribution X 2 through call:
Meta 2016. Proyectos culturales en Gipuzkoa
Channel

  • Contributing $ 5

    Eskertza

    Argazki erakusketaren portadan zure izena txertatuta azalduko da

    > 02 Co-financiers

  • Contributing $ 10

    Eskertza eta argazki erakusketaren inaugurazio festarako gonbidepena

    2017ko irailaren 22an, Autorik Gabeko Nazioarteko Egunean egingo dugun inaugurazio festara etortzeko gonbidapen pertsonala bidaliko dizugu postaz, horretarako propio sortutako postal baten bidez

    > 08 Co-financiers

  • Contributing $ 21

    Proiektuko 20 obrak postal formatuan

    Proiektuan sortutako 20 obrak (argazki+testuak) postal formatuan "Biziki" kartoizko kutxan

    > 18 Co-financiers

  • Contributing $ 52

    Proiektuko obra bat argazki formatuan

    Aukeratzen duzun proiektuko argazkia 17x23 tamainan, markoarekin, zenbakituta eta zigilatuta

    > 15 Co-financiers

  • Contributing $ 125

    PROIEKTUKO HIRU OBRA ARGAZKI FORMATUAN

    Aukeratzen duzun proiektuko argazkiak 17x23 tamainan, markoarekin, zenbakituta eta zigilatuta

    > 02 Co-financiers

  • Contributing $ 208

    Erakusketaren mailegua

    Erakusketa Gipuzkoako nahi duzun lekura eramango dizugu bertan bi astez eduki dezazun

    > 00 Co-financiers
Project
News
Participate

About this project

Bizikletaren inguruko hausnarketa eta sorkuntza prozesu parte-hartzailea

Needs Task Minimum Optimum
Diseinatzaile eta inprentaren errebisioa
Diseinatzaile profesional batek eta inprentak guk bidalitako lanak ikuskatuko dituzte argitaratu aurretik
 $ 114
Elkarrizketetarako bidai eta dietak
Proiektua aurrera eramateko egin beharreko desplazamendu eta dietak ordaintzeko.
$ 208
Comisión de Goteo
Comisión del 6% del coste total del proyecto, a abonar a Goteo por el uso de su plataforma y comisiones bancarias
 $ 140
Mikrofonoa
Elkarrizketak grabatzeko mikrofono eramangarria
 $ 31
Liburuaren diseinua
Inprentak, liburuaren diseinua ikuskatuko du eta hobekuntzak proposatuko dizkigu digu inprimatu aurretik
 $ 208
LIBURUA INPRIMATZEA
Proiektuko obrak biltzen dituen liburua inprimatzea
 $ 437
Needs Material Minimum Optimum
Postalak inprimatzea
Proiektuan zehar sortutako obren postalak paperean inprimatuko ditugu, bakoitzeko 150 ale, bultzatzaileen artean banatzeko. Txokoren bat apaintzeko, lagunen bati oparitzeko edo bidaltzeko erabil ditzakezu.
$ 437
argazki erakusketa
Proiektuan zehar sortutako lana argazki erakusketa batean irudikatuko dugu espazio ezberdinetara eramateko aukerarekin.
 $ 468
Postalentzako kutxak
Obra guztiak (20 postal) sortaka gordetzeko 150 kartoizko kutxa, proiekturako propio egindako diseinuarekin
 $ 291
Argazki erakusketarako kartelak
Argazki erakusketaren publizitatea egiteko. 50 ale.
 $ 73
Flyer-ak inprimatzea
Argazki erakusketaren publizitaterako. 300 unitate.
 $ 104
Bultzatzaileei itzulerak bidaltzea
Proiektuaren bultzatzaileei dagokien itzulera postaz bidaltzeko gastuak
 $ 156
Inaugurazio festa
Inaugurazio festara gerturatzen den jendearentzat jana eta edana
 $ 208
LIBURUA ENKUADERNATZEA
Proiektuko obrak biltzen dituen liburuaren enkuadernazioa
$ 322
Needs Infrastructure Minimum Optimum
web gunea
Proiektuaren bloga mantentzeko zerbitzari eta domeinua
 $ 99
INAUGURAZIOKO FESTAKO EMANALDIRAKO EKIPOAREN ALOKAIRUA
Argazki erakusketa festaren Inaugurazioan egingo dugun kontzerturako ekipoaren alokairua
 $ 520
Total $ 2,328 $ 3,815
Necessary
Supplemental

General information

Nolakoak lirateke gure hiri eta herriak gehiengoak bizikleta erabiliko bagenu eguneroko desplazamenduetarako? Bizikleta gizon eta emakumeen arteko berdintasunerako tresna izan liteke? Ba al dute harremanik euskarak eta bizikletak? Bizikletak eta arteak? Proiektuarekin hauek bezalako galderei erantzunak topatu eta bizikletaren erabilerak gure gizartea eraldatzeko izan dezakeen ahalmenaren inguruko hausnarketa eta sorkuntza prozesu parte-hartzailea gauzatu nahi dugu, bi etapatan garatuko duguna:

1) HAUSNARKETA PROZESUA: 4 jakintza arlo ezberdinetan (mugikortasuna, artea, feminismoa, euskara) adituak eta arituak diren 4 gipuzkoar elkarrizketatuko ditugu, jakintza arlo bakoitzeko bana. Bizikletan buelta bat emango dugu elkarrekin, elkarrizketatuaren herrian edo hark zehazten digun lekuan, eta haren jakintza arloarekin zerikusia duten galderez gain, bizipen pertsonalei buruzkoak ere luzatuko dizkiogu. Elkarrizketa bakoitza proiektuaren blogean argitaratuko dugu, eta jarraitzaileen iritziak jasoko ditugu, gaiari buruzko eztabaida sustatuz sare sozialetan.

2) SORKUNTZA PROZESUA: adituekin izandako elkarrizketetan oinarrituta, 20 obra sortuko ditugu (bakoitza argazki-testu bikote batez osatua), landutako gaiak ikuspegi artistikotik jorratuz. 20 obra horiek formatu ezberdinetan zabalduko ditugu: bideo laburretan, postal moduan, eta argazki erakusketa batean. 2017ko irailaren 22an, Autorik Gabeko Nazioarteko Egunean, argazki erakusketaren inaugurazio festak emango dio amaiera proiektuari.

Main features and goals of the crowdfunding campaign

HAUSNARKETA PROZESUA 2017ko apiriletik ekainera bitartean burutuko dugu. Denboraldi horretan lau adituak elkarrizketatuko ditugu, hilabete bakoitzeko bana. Elkarrizketek bi ildo izango dituzte: bata adituaren gaiari buruzkoa, eta bestea informala eta bizipenetan oinarriturikoa, bizikletarekin duen harremanaren ingurukoa (txikitako oroitzapenak, pasadizoak, ea.). Elkarrizketa bakoitza egin eta transkribatu ostean, proiektuko blogean publikatu eta sare sozialetan zabalduko dugu. Eztabaida sustatu eta biziagotzeko helburuarekin, landutako gaiei buruzko artikulu, argazki eta bideoak ere partekatuko ditugu. Jarraitzaileen iritziak jaso eta adituenei batuta, hausnarketa kolektiboa osatuko dugu.

SORKUNTZA PROZESUA 2017ko ekainean hasi eta irailera arte luzatuko da. Tarte horretan, aurretik osatutako hausnarketa kolektiboa aintzat hartuta, 20 obra sortuko ditugu. Obra bakoitza zuri-beltzeko argazki batez eta 600 karaktere inguruko testu labur batez osatuta egongo da, eta ondorengo hiru formatuetan zabalduko ditugu:
1) Obra bakoitzeko 30 segundoko bideo bana, sare sozialetan publikatuko ditugunak
2) Paperezko postalak, proiektuko bultzatzaile eta parte-hartzaileen artean banatuko ditugunak
3) 20 irudiz osatutako argazki erakusketa

ARGAZKI ERAKUSKETAREN INAUGURAZIO FESTA oraindik zehazteke dagoen leku batean egingo dugu, eta kontzertu bat izango da bertan. Festa zabaltzeko difusio-materiala kartelak, flyer-ak, eta proiektuko bultzatzaileei postaz bidaliko dizkiegun gonbidapen postalak izango dira.

Horrez gain, babes nahikoa lortu eta aurrekontu optimora iritsiko bagina, hausnarketa prozesuaren laburpena eta obra guztiak paperean biltzen dituen PUBLIKAZIO BAT sortuko genuke.

Material guztiak Creative Commons lizentziapekoak izango dira eta proiektuko blogean zintzilikatuko ditugu, nahi duen orok erabili ahal izan ditzan.

biziki-24.jpg

Why this is important

Asko dira proiektu hau gauzatzera bultzatzen gaituzten arrazoiak: hausnarketa eragiteko eta gizartea eraldatzeko gogoa; esperimentatzeko, jakintza arlo eta diziplina artistiko ezberdinak nahasteko nahia; sortzeko beharra, bizikletaren erabilera eta euskara sustatzeko grina.

Proiektua jende-multzo zabalari zuzenduta dago, besteak beste: aisiarako, eguneroko desplazamenduetarako zein kirolerako bizikleta erabiltzen duten pertsonei; proiektuko gaietan (mugikortasuna, artea, feminismoa, euskara) interesa dutenei; argazkilaritza, literatura eta musika gogoko dutenei…

biziki5.jpg

Goals of the crowdfunding campaign

Kanpainaren bitartez ikerkuntza-ekintza parte-hartzaile prozesu bat abiarazi nahi dugu. Bizikleta gizarte eraldaketarako tresnatzat hartzen duen ikuspegi holistikoa eraiki nahi dugu, eta bizikletaren erabileraren aldeko diskurtso berri bat garatu. Jendea proiektuaz jabetu dadin nahi dugu, fase guztietan parte har dezan. Jasotako ekarpenak baliagarriak izango zaizkigu aukeratutako lau jakintza arloak sakontasunean lantzeko, 20 obrak sortu eta formatu ezberdinetan zabaltzeko.

biziki-25.jpg

Team and experience

Aurretik egindako proiektuen artean “Hiri Asko Bere Baitan” (https://hiriaskoberebaitan.com/) nabarmentzen da, Bilboko udaletxeak antolatutako "Ideiak Martxan" lehiaketan saritua 2014ean. Bilboko zortzi barrutiak abiapuntutzat hartuta, proiektuak hiriaren ikuspegi berri bat ematen du, gure irudimenarekin sortutako unibertso bisual, literario eta soinuduna baliatuz. Sorkuntza prozesuan zehar, Bilboko barruti bakoitzeko obra bana sortu genuen (irudi, testu eta abesti batez osatua) eta hainbat formatutan eman genituen ezagutzara: birtualki (blog baten bidez, sare sozialetan eta liburuxka digital batean) eta fisikoki (ikus-entzunezko emanaldi, argazki erakusketa, eta disko-liburuxka batean).

BIZIKI proiektuko talde eragilea ondorengook osatzen dugu: Aitor Gómez (argazkiak), Asier Olabarrieta (bideoak eta musika) eta Unai Villena (testuak). Horrez gain, elkarteko kide diren beste hainbat pertsonen kolaborazioa izango dugu proiektuko zeregin zehatzetan, besteak beste: elkarrizketatan, bideoak eta musika sortzen, diseinu lanetan, zabalkundean eta sare sozialetako profilak dinamizatzen.

Social commitment

Remind me